*Davao City – Supak ang usaka pastor sa evangelical denomination nga himoong legal ang same-sex marriage dinhi sa nasud pinaagi sa pagpasar og balaud inig balik sa session sa bag**-ong 18th Congress.*
*Dili uyon si CAMACOP Minister Pastor Albert Alang nga tugtan magminyo ang pareho og gender nga lagmit unahon og pasar sa mga kongresista inig balik nila sa 18th Congress session bulan sa Hunyo.*
*Ang pagkasal sa pareho nga gender ug pag-uban og puyo sa usa ka bubong isip magti-ayon dakung sayop sa kamandoan sa Ginoo ug sala kini atubangan sa Diyos kansang silot mao ang espirituwal nga kamatayon .*
*Matud sa Bibliya, ang gihimo sa Diyos lalake ug babaye lamang ug silang duha gitugtan nga maghigugmaay, magpakasal, mag-uban isip mag-asawa ug magsalo sa lawasnong kalipay ug gawas niana wala nay lain pa.*
*Segun ni Alang, ang pagpakasal sa kapar**eho nga gender usa kini ka pagsungag sa kabubut-on ug kamandoan sa Diyos diin ang mubuhat niini makasala ug makahiagom sa kaligutgot sa Ginoo ug laglagon sa kalautan didto sa impiyerno.*
*Gitindugan sa pastor ang giingon sa Bibliya nga ang duna ra’y katungod sa paghigugmaay ug pagpakasal mao ang lalake ra ug babaye ug kini nga katun**god dili puwedeng mahatag ngadto sa LGBT community.*
*Ang same sex marriage bill reglamento ra kini sa tawo ug dili iya sa Diyos busa ang sakramento nga himoon sa kasal sa pareho nga gender dili kini sagrado apan imoral kini atubangan sa Diyos.*
*Daghang kapitulo ug bersikulo sa Balaang Kasulatan nagsulti nga gikaligutgotan sa Diyos ang pagminyo ug pag-uban sa same gender ug pag-unay og lawasnong kailibgon ug ang maghimo niini makatilaw sa kapungot sa Diyos ug laglagon ngadto sa kalayong walay katapusan.*
*Busa, giawhag ni Albert ang mga magbabalaud nga naghunahuna sa pagpasar og same sex marriage sa hawanan sa Kongreso nga dili na lamang ihinayon kini aron walay katalagman nga ipahamtang ang Diyos sa Plipinas ug tibuok kalibutan.*
*RadyoMaN Joel Viray *
*tags: DXDC 621 RMN Davao*
