CAUAYAN CITY — MAS PINATIBAY NG SAN AGUSTIN MUNICIPAL POLICE STATION ANG SEGURIDAD SA BUONG BAYAN BILANG BAHAGI NG PAGHAHANDA SA PAGDIRIWANG NG BAGONG TAON.
SA PANGUNGUNA NI POLICE MAJOR RANILO A. BUMAGAT, IPINATUPAD ANG IBA’T IBANG HAKBANG UPANG MAPANATILI ANG KAPAYAPAAN AT KAAYUSAN NG KOMUNIDAD.
BILANG BAHAGI NG OPLAN LIGTAS BAGONG TAON, NAGSAGAWA ANG KAPULISAN NG MAS MADALAS NA MOBILE AT FOOT PATROLS, CHECKPOINTS, AT MAHIGPIT NA PAGBABANTAY SA MGA MATAONG LUGAR AT PANGUNAHING LANSANGAN.
NAKATUON ANG MGA OPERASYONG ITO SA PAG-IWAS SA KRIMINALIDAD, ILEGAL NA PAGGAMIT NG PAPUTOK, AT IBA PANG INSIDENTENG MAAARING MAKAAPEKTO SA KALIGTASAN NG PUBLIKO.
PATULOY RIN ANG PAKIKIPAG-UGNAYAN NG PULISYA SA LOKAL NA PAMAHALAAN AT KATUWANG NA AHENSYA PARA SA MAAGAP NA PAGTUGON SA ANUMANG PANGYAYARI.
TINIYAK RIN NG SAN AGUSTIN PS ANG KANILANG KAHANDAAN PARA SA ISANG LIGTAS AT MASAYANG PAGSALUBONG SA BAGONG TAON.
