Davao City – Arestado sa awtoridad ang gikunsidera nga Top 1 most wanted person sa municipal level sa San Isidro, Davao Oriental alas-7:00 sa buntag, adlaw’ng Huwebes (Disyembre 13) sa may Sitio Tibaon, Brgy. Macangao, Lupon, Davao Oriental.
Balhog na sa San Isidro Municipal Police Station si Jomar Mamocas, 30-anyos, minyo, mananagat ug residente sa nasangpit nga lugar.
Gi-aresto si Mamocas pinaagi sa warrant of arrest nga gipagula ni Hon. Emilio G. Dayanghirang III, Presiding Judge sa Regional Trial Court, Branch 32, Lupon, Davao Oriental, sa kasong murder diin walay girekomenda nga piyansa ingon man usab sa kasong frustrated murder nga adunay rekomendasyon nga P120,000 isip pyansa.
RadyoMaN Jason Amisola
Facebook Comments
