San Juanico bridge lighting project, titikangan na

1285

TACLOBAN CITY – Titikangan na an lighting project han San Juanico Bridge, matapos an usa katuig nga extensive review han technical details han Tourism Infrastructure and Enterprise Zone Authority (TIEZA).

Nakaset na ha July 26 an groundbreaking han mao nga proyekto, ini an ginkompirma han Department of Tourism (DOT) Regional Office 8.


Sumala kan Regional Director Karina Rosa Tiopes, ginlalauman nga matatapos an proyekto ha Desyembre yana nga tuig.

“Ini nga proyekto in makaka-attract hin mga turista para pumakanhi ha aton lugar. Kun damo an turista, mahihimo ini nga opotunidad para mag invest an tawo ha restaurants, cafes, souvenir shops, and create new tourism activities” Hi Tiopes ha interview han PNA.

An P80-million bridge lighting project nga ginpondohan han TEIZA in na-delay tungod han maiha nga technical review ngan 2019 election ban, sumala kan Tiopes.

Igbubutang ha San Juanico bridge an light-emitting diodes, usa ha mga rapidly-developing lighting technologies ngan mot energy-efficient.

Ha proposal, magkakamayada 10 minute light show ha unom kabeses kada gab-i upod na dinhi an water, light, ngan laser aspects.

Dida han nakalabay nga tuig, ginpag-uru istoryahan ni former Samar governor Sharee Ann Tan ngan former Tacloban City Mayor Cristina Romualdez an pagpalaga ngan pagpahusay han san juanico bridge kada gab-i.

Facebook Comments

From Advertisers