Sa interbyu sa DXDC RMN Davao kang Police Major Marvin Hugos, Station Commander San Pedro Police Station giingon niya, ubay ubay nga mga police ang ilang i-deploy ug motabang sab sa pagbantay ang mga sakop sa Safety and Security Clusters sa Freedom Park ning dakbayan.
Segun ni Hugos, gawas sa Freedom Park diin posibleng adunay magpahigayon og rally i-monitor sab sa kapulisan ang ubang lugar partikular sa ilang Area of Responsibility (AOR).
Mi-awhag sab ang opisyal ngadto sa mga buot magpahigayon og lihuk protesta diha lang sa mga designated area ug kanunay nga mosunod sa mga palisiya nga gipatuman sa syudad alang sa kahapsay ug kalinaw sa dakbayan.
“Sa atong mga kaigsuonan nga magpasibaw sa ilang mulo, didto lang sa designated area kay katungod mana ninyo para mahimong hapsay ang maong aktibidad,” sulti ni Hugos.
RadyoMaN Don Pulayao
