Davao City – Mas hugot nga seguridad ang ipatuman sa San Pedro Police Station partikular sa ilang area of responsibility (AOR) sa pagsugat sa Bag-ong tuig 2023.
Sa interbyu sa DXDC RMN Davao kang Police Captain Ruel Dionela, Deputy Chief San Pedro Police Station gibutyag niya, nagpahigayon sila og recorida o pagroving sa ilang AOR diin tumong niini aron pahimangnoan ang mga Dabawenyo nga gidili ang pagpabuto og firecraker ug armas.
Segun ni Dionela, gihimo ang recorida sa buntag, udto ug hapon aron pagseguro ipasabot sa katawhan nga gidili gayud ang mga pabuto sa dakbayan subay sa City Ordinance.
Gipasabot ni Dionela, sukad niadtong pagsaulog sa Pasko walay na-report nga nadakpan nga nagpabuto og firecraker sa ilang area of responsibility.
RadyoMaN Don Pulayao
Facebook Comments
