Sa interbyu sa DXDC RMN Davao kang Police Captain Ruel Dionela, Deputy Chief sa San Pedro Police Station, gidili ang pagdala’g pack bag, tumbler nga dili transparent ug pagsuot og jacket sulod sa simbahan.
Gipasabot ni Dionela, tumanon gihapon sa mga manimbahay ang mga basic health protocols sama sa pagsuot og face mask sa gawas ug sulod sa simbahan.
Gi-awhag ni Dionela ang mga ginikanan nga ilang bantayan ang ilang mga anak aron dili magpasi-ugda og kasamok diin sagad mahitabo panahon sa misa de gallo dunay mga grupo sa mga batan-on ang malambigit sa riot. Sa unang adlaw sa misa de gallo nagmalinawon ug walay natigayong mga kasamok.
“Ang pahimangno namo sa tanan, especially sa mga kabataan kung di mo seryuso nga magsimba sa Misa de Gallo, ayaw nalang mo adto kay mag samok samok lang gyud mo, magsaba ra mo sa likod, mag dungag-dungag lang mo nga bantayan sa mga pulis. Maayo nga magpuyo na lang mo sa inyong balay,” saysay ni Dionela.
RadyoMaN Don Pulayao
