Sa pakighinabi sa DXDC RMN Davao kang Police Major Marvin Hugos, Station Commander sa San Pedro Police Station, nakig-alayon na sila na sa mga barangay official lakip mga barangay tanod nga motabang sa pagpahigayon sa pagpatrolya o pagmonitor sa ilang AOR.
Gidugang sa hepe nga karong bulan sa Enero 2023, nakatala lamang og usa ka insidente sa pagpanglungkab nga nahitabo sa Marfori ning syudad sa Davao apan naghuwat pa sa complainant kung pursigido ba nga mopasaka og kaso.
“Unya sa atong pagpa-follow up, naa may CCTV, klaro kaayo ang iyang nawong hayag kaayo. Unya ato pa ning ginahulat ang complainant kung mopadayon ba sila og file og kaso o dili,” sulti ni Hugos.
Subling nagpahimangno si Hugos ngadto sa mga Dabawenyo nga kung dunay mga mamatikdan nga dili maayo, mamahimong i-report dayon sa kapulisan o sa Barangay Hall para matagaan dayon og hinanaling aksyon.
RadyoMaN Don Pulayao
