Davao City – Naglusad na og pagpatrolya ang kapulisan sa San Pedro sa pagmonitor sa ilang area of responsibility (AOR) apil ginamonitor ang pagbutang sa mga poster kung nisubay ba sa mga designated areas ang mga kandidato sa unang adlaw sa kampanya October 19, 2023.
Sa pakighinabi sa DXDC RMN Davao kang Police Major Marvin Hugos, ang Hepe sa San Pedro Police Station gibutyag niini nga 22 ka Barangay nga sakop sa ilang AOR ang ginamonitor sa kapulisan.
Segun ni Hugos, wala pa silay nadawat nga reklamo sa ilang buhatan nga nakalapas sa unang adlaw sa campaign period.
Subling nagpahimangno ang opisyal,ngadto sa mga kandidato nga tumanon ang mga palisiya nga gipa-implementar sa Commission on Election (COMELEC) pinaagi niini aron hapsay og magmalinawon hangtud sa adlaw sa piniliay.
RadyoMaN Don Pulayao
Facebook Comments
