Davao City- Gimanduan ang kapulisan nga lakip sa bantayan ang mga tulay dinhi sa dakbayan.
Matud ni Police Major Marvin Hugos, San Pedro Police Station Commander, parte sa police visility ug pag-roving sa mga pulis ang mga tulay aron wala nay masubli pang mga insidente.
Kahinumduman adunay babaeng na-rescue sa Ecoland Police Station Police Auxiliary sa may Bolton Bridge samtang ulahing nakita ang usa ka 26 anyos nga lalaki sa may Bankerohan Bridge ug nabilin na lang sling bag niini sa tulay.
Padayon gihapong ginapangita ang maong batan-on sa Davao River nga alegasyong niambak sa tulay.
Gibutyag ni Hugos nga abli ang ilahang istasyon kung adunay mudangop nga nag-atubang og mental health problem aron ilaha kining makoordinar sa mga psychologists ug proper agencies aron kini matabangan.
RadyoMaN Aimee Guinita
Facebook Comments
