Davao City – Nakasinati og kusog nga pagbaha sa tubig partikular sa San Rafael Village, Brgy. 9-A sa dakbayan sa Davao.
Sumala ni Berto Loho, usa sa mga residente sa maong lugar, alas 9:00 kagabii nagsugod ang pagbulhog sa tubig sa maong sapa.
Gidugang ni Loho nga nakadawat na sila og pahimangno gikan kang Barangay Kapitan Tata Llubit nga magigmat ang mga nagpuyo sa daplin sa sapa sa ilang barangay ug imonitor ang maong baha.
Gikanayon ni Loho nga wala pay namakwit sa mga residente daplin sa sapa sa mga lugar nga posible maapektuhan sa may San Rafael Madapo lapus na sa Bankerohan ug ang atbang nga Brgy. Maa sa siyudad sa Davao.
Kahinumduman nga kaniadtong tuig 2010 nakasinati og paglunop ang mga nagpuyo sa maong lugar ug daghan nga mga residente ang namakwit matud ni Loho.
RadyoMaN Don Pulayao
