Davao City – Gipahugtan na karon ang pag-monitor o pagbantay sa baybayon sa Isla Suerte, Times Beach, Barangay 76-A ning syudad tungod sa daghang mga tawo nga naligo sa dagat nga wala mabadlong niadtong nakalabay’ng Domingo.
Sumala ni Isla Suerte Barangay Tanod Richard Navarro, daghang mga naligo niadtong higayona kinsa wala hibantayi ug wala usab na-roving sa mga awtoridad tungod sa makusog nga ulan ug dili usab makita dayon kay nasalipdan sa gitrabahong Coastal Road Project sa maong lugar.
Daghan ang naligo ug wala nagsul-ob sa face mask ug wala mituman sa social distancing.
Tungod niini hugtanong gimando sa Brgy. Capt. Rolando Trajera sa mga Barangay Tanod nga pangdakpon ang dili motuman sa mga health protocols sa maong lugar.
RadyoMaN Bernard Pantallon
