Roxas City, Capiz- Ginpasidunggan sang Philippine Red Cross- Capiz Chapter ang pila ka mga indibidwal, mga local government units(LGUs) kag mga organisasyon sa ginpatigayon nga 7th Annual Provincial Sandugo and Blood Olympics awarding ceremony sang nakaligad nga Hulyo 30, 2018 sa Nestas Hilltop Hotel and Restaurant.
Dose ka mga barangay halin sa banwa sang Jamindan ang nagbaton sang Plaque of Recognition bilang Top Performing Barangay sa amu nga banwa.
Ini ang ginalakipan sang Brgy. Fe; Jagnaya; Lapaz; Esperanza; Pangabuan; Agcagay; Agambulong; San Vicente; Baye-baye; Guintas; Milan kag Jaena Norte.
Para sa Blood Olympic Award, nagbaton sang pasidungog ang mga banwa sang Dumalag, Cuartero kag Dao samtang Special Citation Awardee naman ang Sapian, Pontevedra kag Panit-an.
Kalakip naman sa Top Performing Municipalities amu ang banwa sang Jamindan, Dumalag, Cuartero, Dao, Sapian, Sigma, Pontevedra, Ivisan, Pilar, Panit-an, Mambusao, President Roxas, Dumarao kag Tapaz.
Top 10 Performing Barangays ang Brgy. Culilang, President Roxas; Brgy. Bangon-bangon, Sigma; Brgy. Abangay, Tapaz; Brgy. Maliao, Tapaz; Brgy. Sta. Monica, Dumalag; Brgy. Agcabugao, Cuartero; Brgy. Bantigue, Pontevedra; Brgy. Bita, Dao; Brgy. Agmalobo, Ivisan; kag Brgy. Ezperanza, Jamindan.
Samtang may yara man sang mga indibidwal kag mga non-LGUs nga nagbaton sang nasambitan nga award.
Ang amu nga awarding ceremony ang kabahin lamang sang pagkilala sang Philippine Red Cross sa kontribusyon sang mga ini sa ginpatigayon nga serye sang mga mass blood blood donation activities sang nasambitan nga ahensya.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
