iFM Laoag – Inlungalong iti Sangguniang Panlalawigan ni Board Member Davinci Crisostomo a mangaramid ti bukod nga imbestigasyun mainaig iti pannakatay dagiti dua a lineman ti Ilocos Norte Electric Cooperative (INEC) a napasamak idi Hulyo 13, 2019.
Kinunana a masapol a mapaayaban dagiti pannakabagi ti INEC tapnu agpalawag ken maamoan iti rason ken gapu iti pannakakuryente a puon ti nakatayan dagiti biktima.
Nupay kasta malagip iti eklusibo a pannakaiyuman ti iFM Laoag kenni INEC Board President Enrico “Cocoy” Ruiz a silaladingitda iti napasamak ken supportaranda dagiti pamilya a napanawan dagiti empleyado iti INEC, kangrunaanna kadagiti gastosenda.
Innayun ni Ruiz a mannarimaan ti imbestigasyun iti gungloda mainaeg ti napasamak kadua iti Philippine National Police. Maaramid pay ti INEC Board Meeting intuno Hulyo 16 ket maysa daytoy kadagiti mapagsasaritaanda.
Aginggana kadagitoy, awan pay ti pakalawlawagan nu anya iti rason ken siasino ti mapabasol iti napasamak nga aksidente.
Bernard Ver, RMN News
