Magapatigayon sang special session ang mga katapo sang Sangguniang Panlalawigan agud nga talakayon kag aprobahan ang request ni South Cotabato Governor Reynaldo Tamayo Jr. sa pag-utilize sang quick response fund para sa himuon nga aksyon sang provincial government sa pagtapna sang balatian nga dengue matapos nga ginpaidalom na sa state of calamity ang probinsya.
Ini matapos nga sa ginpatigayon nila nga regular session sang Lunes nga adlaw ginrefer pa sa committee ang request sang gobernador agud nga matun-an suno pa.
Suno kay Board Member Jinky Avance, Chairperson sang Committee on Social Services sang Sangguniang Panlalawigan ini ang resulta sang ginpatigayon nila nga committee meeting kahapon nga adlaw.
Ginkumpirmar niya man nga nagalab-ot sa masobra P15 million ang proposed nga gamiton nga quick response fund nga magapadulong suno pa sa pagbakal sang misting machines, platelet separator, para sa cash for work kag iban pa.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
