*Ta esta pa desconosido el mojer conquien ya sopla de tiro que ya causa su muerte na Sitio Dulian, Upper Pasonanca del Biernes por la noche, mientras ya salva tambien el retirao empleyao del Commision on Audit despues tambien tira conele na Pasobolong del mismo noche.*
*Serca man alas 8 del noche cuando ya responde el maga pulis del Sta. Maria Police Station na Sitio Dulian, Upper Pasonanca despues resivi el report tiene conquine ya tira.*
*Maga pulis na encabesamiento del gefe del Sta. Maria Police Station si Supt. Mark Azury a decubri con el victima tintido na urillando del calsada tiene tupada de bala na cuerpo.*
*Maga pulis ya encontra tres capsula y un slug del calibre 45 pistola na lugar.*
*Yapuede tambien recobri el helmet del victima pero nohay el motorsiclo.*
*Alas 8 del mismo noche, con Benjamin Ventura y Garcia, 58, retired COA employee ya tira el dos persona mientras encamino le bolbida muntando consu multicab.*
*El victima ya sostene dos tupada de bala pero ya puede pa este maneha consu vehiculo para na hospital.*
*Maga pulis ya recobri tambien dos capsula del calibre 45 pistola na lugar.*
*Asegun con el victima el dos suspechao muntao na motor ya hace encuentro conele serca na crossing del super highway y el ancas ya sopla de tiro conele.*
