TACLOBAN CITY – Posible nga diri matuman an target nga petsa kun diin mahuhuman an pagpalaga han bug-os nga San Juanico Bridge.
Sumala kan Department Of Tourism (DOT) Regional Director Karen Tiopes, Abril 2019 an syahan nga target of completion han proyekto pero ini in posible pa nga madis-og ha masunod nga mga bulan.
Napondohan na an mao nga proyekto nga nagkakantidad hin P80-milyones. An ginhuhulat nala yana an pagfinalize han plano ngan an pagbidding han Tourism Infrastructure and Enterprise Zone Authority (TIEZA) ha magigin kontraktor ugsa matapos an tuig.
Dugang pa han opisyal, an ginmugna nga technical working group han Regional Development Council (RDC) para han San Juanico Straight Tourism Development Area in amu an mangunguna ha pagpanginano han proyekto kaupod an City Government Of Tacloban ngan Provincial Government han Samar ngan Leyte.
Pagklaro naman han opisyal nga diri politika an rason kun kayano madedelatar an completion han mao nga proyekto.
“I doubt if there’s politics involve right now kay an last meeting namon maupay man an pagka-iristorya and everybody were one in saying that they would like to see equal development for both sides because at the end of the day it’s for the best of the region not just in one place.” – Dir. Tiopes.
