Cauayan City – MULING IPINAMALAS NG MGA KABATAANG SANTIAGUEÑO ANG KANILANG HUSAY SA LARANGAN NG MATEMATIKA MATAPOS MAGWAGI SA THAILAND INTERNATIONAL MATHEMATICAL OLYMPIAD (TIMO) AT HONG KONG INTERNATIONAL MATHEMATICAL OLYMPIAD (HKIMO) 2025.
NASUNGKIT NI RUPERT ESTRADA ANG SILVER AWARD, HABANG SINA LEUGENIA JAZEL ARELLANO AT JUSTINE VICTORIA ARELLANO NAMAN AY NAKAMIT ANG MERIT AWARDS.
ANG TATLONG MAG-AARAL AY MULA SA SANTIAGO CITY NATIONAL HIGH SCHOOL AT NAGDALA NG KARANGALAN HINDI LAMANG SA KANILANG PAARALAN KUNDI PATI NA RIN SA BUONG LUNGSOD.
ITINUTURING NA MALAKING TAGUMPAY ANG PAGKILALANG ITO BILANG PATUNAY NA ANG KABATAAN NG SANTIAGO CITY AY MAY MATAAS NA KALIDAD NG EDUKASYON AT KAYANG MAKIPAGSABAYAN SA LARANGAN NG MATHEMATICS SA PANDAIGDIGANG ANTAS
HINIKAYAT NAMAN ANG MGA KABATAAN NA PATULOY NA MAGSIKAP AT IPAKITA SA MUNDO ANG GALING NG MGA PILIPINO, PARTIKULAR NG MGA KABATAANG SANTIAGUEÑO, SA IBA’T IBANG LARANGAN NG AKADEMYA.
