Davao City – Positibo ang panglantaw sa gobyerno nga makatabang ang direktiba sa Department of the Interior and Local Government nga ipagula ang listahan sa mga makadawat sa Social Amelioration Program kun SAP sa kada barangay nunot sa COVID-19 crisis.
Sumala ni City Social Welfare and Development Office kun CSWDO Head Malou Bermudo, angay lang nga dunay transparency ilabi na karong panahona sa pagpang apod-apod sa ayuda nga daghan og reklamo.
“Maayo nga direktiba kay i-consider nato nga sa gobyerno naa tay transparency, dapat mahibal-an sa katawhan, unsa ang nagastuhan sa kwarta, asa naadto, kinsa ang makadawat sa kwarta. Maayo ang direktiba kay para mapahibalo sa katawhan kinsa ang benefiaries sa 4Ps, sa SAP ug uban pang program sa gobyerno.”
Gibutyag usab ni Bermudo nga ang CSWDO maoy usa sa kaabag sa Department of Social Welfare and Development sa pag implementa sa Social Amelioration Program dinhi sa syudad sama sa pag-validate sa mga pangalan nga kwalipikado sa maong ayuda apan ang nanguna gihapon sa maong programa mao ang DSWD.
RadyoMaN Renz Barbarona
