Sapian, Capiz- Duha ka persona nga nakuhaan sang pusil samtang yara sa sulod sang binaylehan sa banwa sang Sapian, magapangatubang sang kaso!

208

Sapian, Capiz- Magapangatubang sang kaso nga paglapas sa RA 10591 ukon Comprehensive Law on Firearms and Ammunition Regulations Act ang duha ka mga persona nga nadakpan nga nagasukbit sang pusil samtang yara sa sulod sang binaylehan sa Barangay Dapdapan, Sapian, Capiz.
Ginkilala ang mga suspek nga amu sanday Stephen Becayco, 39-anyos kag Federico Randy Ocate, 31-anyos, nga lunsay mga residente sang nasambitan nga barangay.
Natigayon nga marekober sa posisyon sang mga ini ang isa ka unit sang caliber .45 pistol nga may 14 ka mga bala kag isa ka unit sang .357 Magnum lakip ang anum ka mga bala sang .38 caliber revolver.
Una nga nasiplatan sang mga barangay tanod ang duha ka mga suspek nga may ginasukbit nga pusil samtang yara sa sulod sang binaylehan kabangdanan nga gintawgan ang mga ini sang kapulisan.

Facebook Comments

From Advertisers