Sapian, Capiz – Isa na naman ka pamilya ang nangin benepisaryo sang Bahaynihan Project sang Capiz PPO kag Sapian Municipal Police Station.
Ginpatigayon kahapon nga adlaw, Hunyo 24 2020 ang turn-over ceremony para sa ginpatukod nga poluy-an ni Tatay Reynald Casarinos kag anum sini ka mga puya sa Sitio Asag, Brgy Lonoy, Sapian, Capiz.
Yara nagtambong sa amo nga aktibidad si PLt. Ma Nanette V. Puasan, Acting Chief of Police sang Sapian PNP; CPPO Provincial Director Police Colonel Julio Gustilo Jr, Mayor Arthur John H. Biñas, Governor Esteban Evan B Contreras II kag Brgy Chairman Pancho S Orario.
Sa iya nga mensahe, lubos nga ginpasalamatan ni PLt. Ma Nanette V. Puasan, ang tanan nga mga nagbulolig agud nga matapos ang amu nga proyekto sang kapulisan.
Samtang nagbaton man si Tatay Reynald Casarinos sang isa ka unit sang motor engine para sa baroto bilang kabahin sang kabuhayan package gikan kay Governor Esteban Evan Contreras II.
Nagbaton man ini sang duha ka sako sang bugas, plastic nga lamesa kag mga pungkuan, mga tsinelas kag mga cooking utensils.
