Davao City – I-donar ni Davao City Mayor Inday Sara Duterte Carpio silbing trust fund ang iyang usa ka tuig nga sweldo (P2.1M) alang sa mga magpositibo sa COVID-19 nga mga frontliners sa Southern Philippines Medical Center (SPMC).
“Himuon nakong trust fund ang akong isa katuig nga salary for SPMC employees nga mahimong COVID-19 positive and allot P50,000 each,” segun niini.
Matud sa Mayor, aduna siyay tulubagon sa mga frontliners sa SPMC kinsa nagpositibo sa COVID-19.
“I felt somehow nga involved ko because ako tong nagsulti sa Department of Health nga gamiton nato ang SPMC. Pagkabasa nako sa announcement ni Dr. Vega nga 12 kabuok, nagsakit akoang dughan. So naghuna-huna ko what I can do para sa ilaha para sa 12 kabuok,” saysay sa alkalde.
Ang mayor, maoy mogunit sa trust fund ug siya mismo ang mutunol sa maong tabang pinansyal hangtod kini mahurot.
“Kabalo ko nga dili mabayran ang ilahang kakulba, ilahang kahadlok, ilahang hago, ang inconvenience. But at least man lang they have money to buy things that would make them feel better,” dugang niini.
RadyoMaN Aimee Guinita
