Sara: 2022 elections dili angay i-postpone

49

Davao City – Supak si Davao City Mayor Sara Duterte-Carpio sa sugyot nga pag postpone o kaha paglugway sa 2022 elections.

Matud sa Alkalde nga mamahimo gihapong ipadayon ang piniliay luyo sa gi-atubang nga sitwasyon sa Coronavirus Disease 2019 (COVID-19) pandemic basta sundon lamang gihapon ang ginapatumang health measures aron kalikayan ang maong balatian.

“Dili angay i-extend ang election or i-postpone. Knowing nga ang protocols nga gipangayo sa doctor – distancing, (face) mask ug handwashing, pwede ra kaayo ka muboto nga naa ‘ning tulo,” esplikar sa Alkalde.

Matud ni Mayor Sara, kinahanglan lamang nga istriktong ipatuman ang mga gikinahanglang health protocols ug idugang na lamang usab ang pagbaton og kaugalingong gamit sa eleksyon sama sa ballpen aron kalikayan ang COVID-19.

RadyoMaN Kirby Manzon

Facebook Comments