Sara: Abusohon nga QR code kanselahon

145

Davao City – Nagpahimangno si Davao City Mayor Sara Duterte-Carpio nga awtomatik nga kanselahon ang Safe Davao QR (DQR) sa higayong abusohon kini sa usa ka indibidwal.

Sumala sa Alkalde, kinahanglang dili peke nga dokumento ang ibutang sa DQR.


Dili usab kini angay ipagamit sa uban ug likayan ang pag post ug pag share niini aron malikayan ang identity theft.

“If you are using DQR for non-essential movement, nag upload ka og fake ID, nagpahiram ka sa imong DQR sa laing tao, or other forms of abuse sa paggamit sa DQR, ang imuhang DQR shall be automatically cancelled,” tataw sa Alkalde.

Samtang, gibutyag ni Duterte-Carpio, dili na kinahanglan ang paggamit sa DQR panahon sa kalamidad ug emerhensiya.

Karong Sabado (November 7, 2020) himuon na nga mandatory ang paggamit sa DQR sa mga pampubliko ug pribadong opisina ug establisyemento sulod sa syudad sa Davao.




RadyoMaN Kirby Manzon

Facebook Comments