Davao City – Nangayo og bag-ong proposisyon si Davao City Mayor Sara Duterte-Carpio bahin sa mga sabsidiyang gipangayo sa mga magtutudlo sa syudad sa Davao.
Sa nahitabong pakigpulong sa Mayor ngadto sa Association of Concerned Teachers (ACT) – Davao Region, giingon sa alkalde nga willing siya nga mudawat sa ilang laing proposal gumikan dili makaya ang kapin P406-M nga budget alang sa maong mga empleyado sa Department of Education (DEPED) matag tuig diin ngayo sila og dugang P2,000 alang sa monthly allowance ug laing P2,500 quarterly rice subsidy.
“I suggest that ACT Davao rethink their position and come up with something reasonable, acceptable, and doable for us,” tataw sa mayor.
Segun ni Mayor Duterte nga walay legal nga basehan sa balaud ang paghatag og maong kantidad ngadto sa nga empleyado sa national government.
“Ang city government walay mandated nga madawat by law and wala pod na silay rice subsidy. It would be unfair na maghatag ta sa ubang employees and we do not give to the city government employees. Kung naa man tay ihatag nga ing-ana dapat mauna ang city government employees,” segun niini.
Gani sa interbyu kang ACT-Davao Region President Elenito Escalante, malaumon sila nga matagad ang mga mulo karon sa magtutudlo ug lauman nga mahatag nila ang maong proposal karong semana gumikan karong Oktubre 15 na ang ulahing adlaw alang sa 2019 budget.
Sa pikas bahin, alas-10:00 sa buntag ugmang adlawa ang ikaduhang State of the City Address (SOCA) ni Mayor Sara Duterte-Carpio gani gikatahong hisgutan ang kinatibuk-ang estado sa syudad sa Davao dayon ang mga saad nga nabuhat lakip ang wala natuman ingon man pagpresentar sa mga nahimo sa iyang liderato ug ang mga lauman pa sa tuig 2019.
“It will be a realistic bird’s eye view of the status of Davao City as of October 2, 2018,” matud niini.
Gikumpirma usab sa mayor nga magpapili kini sa posisyon sa mayor ug gibutyag nga aduna na kini napili nga Bise-Mayor apan ginapinalisar pa lamang human aduna usay nagpakita og interes sa maong posisyon.
Samtang magpapili isip Congressman sa unang distritito si kanhi Bise Mayor Paolo Duterte.
RadyoMaN Jason Amisola
