Davao City – Gisuportahan ni Davao City Mayor Sara Duterte Carpio ang nahimong aksyon sa barangay sa Calinan labot sa lima katao nga gikan sa gawas sa nasud nga mibalibad sa pagpalista sa ilang ‘local barangay officials’ aron ma-obserbahan sa COVID-19 rason nga gibulgar ang ilang mga pangalan sa social media.
Sa interbyu sa kang Mayor Sara sa Davao City Disaster Radio, gibutyag niini nga sakto lamang ang gihimo sa kapitan sa Calinan tungod kay mibalibad ang nahisgutan inay nga mo-submitar sa ilang kaugalingon isip Persons Under Monitoring (PUM) sa COVID-19.
“Ensakto ba ang gibuhat sa kapitan (sa Calinan)? Ensakto, because we are in a state of public health emergency and because we have been calling out to them nga magpalista as a PUM and then duna silay refusal,” saysay ni Sara.
Nasayran nga miresulta sa panic sa publiko ang maong insidente ug gikasuko usab kini sa maong mga PUMs. Gipasabot sa alkalde nga kung anaa ilawom sa public health emergency ang sitwasyon, angay lamang nga magpalista ang nahisgutan aron dili na kini makatakod pa sa uban ugaling positibo kini sa maong balatian.
RadyoMaN Kirby Manzon
