Davao City – Padayong gipanawagan sa City Government of Davao ang mga tao’ng apektado sa quarantine ug nanginahanglan og ayuda partikular na sa pagkaon nga muduol sa City Social Services Development Office (CSSDO).
Matud ni Davao City Mayor Sara Duterte-Carpio nga nagpadayon matag adlaw ang ayuda sa CSSDO ug nagapangita og mga nanginahanglan og tabang nga indibidwal nga apektado sa sitwasyon sa Coronavirus Disease 2019 (COVID-19) pandemic.
“Ang CSSDO food assistance continuous everyday. Nagapangita sila og mga tao who are asking for supplement or ayuda sa ilang pagkaon particularly bugas and other perishables,” segun sa Alkalde.
Dugang ni Duterte-Carpio nga mamahimo usab maka avail sa ayuda sa CSSDO ang mga apektado’ng trabahante sa subling pagbalik sa 24-hour liquor ban sa syudad, ingon man kadto’ng mga dili permanente ang trabaho gumikan sa pandemic.
RadyoMaN Kirby Manzon
