Davao City – Dako’g tabang sa Davaoeños ang pag arangkada sa biyahe sa pinakauna’ng fully electric, free ride shuttle service sa Mindanao nga unang gipadagan dinhi sa syudad sa Davao nga mao ang Business for Environmentally Sustainable Transformation (Best) Bus project sa pribado’ng sektor.
Gi-awhag ni Davao City Mayor Sara Duterte-Carpio nga mo-avail sa maong libre’ng sakay aron nga makatipid labi na sa kalisod nga hatud sa Coronavirus Disease 2019 (COVID-19) pandemic diin kinahanglan lang nga magpa rehistro sa Best Pass QR (Quick Response) Code nga ma-download sa cellphone ug maoy i-scan sa pagsakay.
“Dako kaayo ni’g tabang sa karon (ang BEST Bus), because every penny counts sa pagkakaron because sa kalisod tungod sa (COVID-19) pandemic. Let us grab the opportunity aning mga libreng sakay gikan sa atong private sector para maka ipon ‘ta og kwarta,” segun ni Mayor Sara.
Nasayran nga kagahapong adlawa (December 14, 2020) nagsugod ang biyahe sa pito (7) ka mga bus units diin unom ka bulan kini muhatud og libre’ng serbisyo sa Davao City ug nanghinaot ang Alkalde nga kini magpadayon.
“For the next six months istoryahan napud namo what will happen (sa BEST Bus) after mag end ang ilang libre’ng sakay. Of course, gustohon nato nga magpadayon sila diri sa Davao City,” matud niini.
Ipatuman usab sa maong sakyanan ang 50% nga seating capacity aron mapatuman gihapon ang social distancing isip usa sa measures batok sa COVID-19.
RadyoMaN Kirby Manzon
