Davao City – Usa sa gilaraw nga mga dakung plano ug proyekto sa dakbayan sa Davao alang sa mosunod nga katuigan naglakip sa gitawag nga mga ‘big-ticket infrastructure projects.’
Sa iyang ikaduhang State of the City Address, gitug-an ni Mayor Sara Duterte-Carpio nga kalakip niini mao kining extension sa Diversion Road, Davao River Boulevard, Davao-Samal Bridge ug daghan pang ubang major development initiatives and undertakings.
Aduna usay ihikutar nga eight-story extension sa City Hall Building, usa sa pinakakaraan na kaayong edipisyo kun gambalay dinhi sa syudad.
Gibutyag usab sa mayor nga lima ka mga bag-ong tulay nga molabang sa Davao River aron paspasan ang komersiyo ug pamatigayon sa mga lungsuranon ingon man mag-improbar sa kinatibuk-ang panginabuhi sa katawhan.
Nagpadayon karon ang mensahe sa batan-ong alkalde ning syudad nga gikonsidera karon nga ‘New Center’ sa ekonomiya, investments ug uban pang areas of concern sa nasud-Pilipinas.
RadyoMaN June Duterte
