Davao City – Gi-awhag karon ni Davao City Mayor Sara Duterte-Carpio ang mga Dabawenyo nga dili i-discriminate ang mga Chinese nationals gumikan sa novel coronavirus (2019-nCoV) acute respiratory disease.
Sa interbyu sa Davao media sa alkalde, gitataw niini nga ang sitwasyon dili race issue inay kini usa ka health issue.
Buot sa mayor nga respitohon dili lamang ang kaigsoonang Pinoy apan lakip na ang mga langyaw sama sa mga Chinese.
Niadtong Enero 31, 2020 natala sa Department of Health (DOH)-XI ang walo ka gikonsiderang persons under investigation (PUIs) dinhi sa Davao region samtang kagahapong adlawa, Pebrero 3, 2020, subay sa update sa DOH national, lima ang PUIs sa Davao region.
Karong adlawa, Pebrero 4, 2020, gikatakdang maghatag og dugang updates ang DOH-XI may kalabutan sa 2019-nCoV.
RadyoMaN Kirby Manzon
