Sara: Christmas parties/events sa private sectors gitugot

Davao City – Wala gidili sa Local Government of Davao ang pagpahigayon og Christmas parties alang sa mga pribadong sektor sa dakbayan sa Davao.

Matud ni Davao City Mayor Sara Duterte-Carpio (sa interbyu sa city-owned radio), ang Christmas parties mamahimong himuon sa private sectors, apan hugot kining gidili alang sa lokal nga gobyerno diin una na nga nagpagawas og Executive Order (EO) kabahin niini.

“Parties are allowed dinha lang sa private sector. Diri sa atoa sa City Government, wala na tanan,” sulti sa mayor.


Padayon usab nga nagpasidaan si Duterte-Carpio sa publiko sa paglikay sa mga panagtapok ug pagtuman sa minimum public health standards batok sa Coronavirus Disease 2019 (COVID-19) ilabina gyud ang pagsuot og face mask ug social distancing, ug labaw sa tanan ang pagpabakuna isip proteksyon gikan sa makatakod nga balatian.

RadyoMaN Kirby Manzon

Facebook Comments