Davao City – Target sa City Government of Davao karong bulan sa Septembre nga himuon na nga electronic kun digital ang pagpahigayon og contact tracing.
Gibutyag ni Davao City Mayor Sara Duterte-Carpio nga langay ang kasamtangang sistema sa contact tracing pinaagi sa mga forms ug kinahanglan pa nga paaboton ang resulta sa himuong swab testing.
“Nganong gina-target nato ni (digital contact tracing) tungod kay ‘duna gyoy delay sa papel gyud because ang papel ihatud, kuhaon, mo-travel. So, dugay pud siya (nga proseso),” matud sa alkalde.
Gipasabot sa Mayor nga ginabuhat pa karon sa City Information Technology Center (CITC) ang pag-digitalize sa contact tracing diin mamahimo ra sumala pa kining idugang nga pamaagi sa kasamtangang platform sa tracing nga gi-develop sa Department of Science and Technology (DOST).
RadyoMaN Kirby Manzon
