Davao City – Girekomendar ni Davao City Mayor Inday Sara Duterte-Carpio ngadto sa Department of Education (DEPED-XI) ug Local Government Unit (LGU) Mati nga imbestigahan ang mga magtutudlo ug mga taong in-charge sa Mati DAVRAA contingent subay sa insidenteng pagkalanag niadtong Sabado.
Sumala sa gipagulang statement sa City Information Office (CIO), gibutyag sa alkalde sa Davao nga usa kini ka pagpasagad nga niresulta sa pagkadaot sa 38 ka mga indibidwal ug sagad kanila mga bata nga gisalig sa mga ginikanan ngadto sa ilang mga tagdumala.
Sumala ni Mayor Inday tataw gayod kini nga cost cutting sa budget ug kurapsyon diha sa pagkaon sa mga delegado nga gikinahanglan gayod nga aksyunan.
Ang limitadong resources dili excuse nga mabutang sa peligro ang kinabuhi sa mga tawo labaw na ang mga bata.
Gipahibalo sa mayor sa tanang mga manunula nga ang Davao City Government isip host sa niining torneyo andam nga mu-asister ug ipahibalo lang kung unsay mga gikinahanglan nga tabang aron nga mamahimong komportable sila sa ang ilang pagpondo dinhi sa syudad.
RadyoMaN Aimee Guinita
