Davao City – Nagpasidaan si Davao City Mayor Sara Duterte sa katawhan nga tumanon ang ginapatumang mga guidelines sa Community Quarantine niining makamatay nga balatiang coronavirus disease 2019.
Gipunto sa mayor nga nakita niya nga sa Calinan ug Toril wala nisubay ang mga tao sa ginapatumang mga measures kontra COVID-19 ug daghan gihapong mga nanggawas.
“Hangyo lang ko ba wala man nato ni gibuhat kay gihimo natong kalingawan, wala man nato ni gibuhat kay gusto nato makit-an ang mga tao nga magkalisod-lisod. Gibuhat ta ni because giingnan ta sa doktor nga kung dili nato buhaton daghan ang mamatay that is the reason why gipaandam mi og mass grave sa Tagakpan,” segun sa mayor.
Segun sa mayor nga dili gayod kaya sa health care facility sa dakbayan kung daghan ang ihap sa mga kritikal nga pasyente.
“I do not understand why they do not understand ang mga ginabuhat nga pagpasabot sa government sa ilaha nga you can really die from this disease not because kulang ang pagtagad sa imoha sa atoang mga doktor ug mga nurse but because ang atoang facilities ug mga supplies dili siya maka-carry og daghan kaayong mga critical cases,” sumala niini.
Gibutyag sa mayor nga puno na ang ventilators sa Southern Philippines Medical Center (SPMC).
Magpagula og Executive No. 20-A ang lungsod sa pagmando sa mga ospital nga dawaton mga indigent nga pasyente partikular na sa pribadong ospital.
RadyoMaN Aimee Guinita
