Davao City – Wala pa gipatuman sa City Government of Davao ang pag-isolate sa balay sa mga kumpirmadong nagpositibo sa Coronavirus Disease 2019 (COVID-19).
Giluwatan ni Davao City Mayor Sara Duterte-Carpio (sa interbyu sa city-owned radio) nga adunay basehan ang Department of Health (DOH) kung kanus-a mamahimong magpatuman og home isolation sa COVID-19 patients diin kini kung dili na kaya nga
ma-cater sa isolation facilities o sa ospital ang mga pasyente.
Matud sa alkalde, aduna pay mga bakante ang mga Temporary Treatment and Monitoring Facilities (TTMFs) sa syudad rason nga wala pa gitugot ang home care sa confirmed COVID-19 cases sa dakbayan.
“Diri sa atoa sa Region-XI, naghatag og criteria ang DOH kanus-a pwede mag home care/isolation (sa COVID-19 patients). Sa pagkakaron, dili po siya pwede kay naa ‘tay spaces nga available sa atong TTMFs. Allowed lang siya during a surge and ang DOH ang mag-define kung kanus-a pwede,” tataw sa mayor.
Nasayran nga aduna nay ubang Local Government Unit (LGU) sa Davao Region nga
nagpatuman og home isolation sama sa Tagum City sa Davao del Norte.
RadyoMaN Kirby Manzon
