Davao City – Gikatakdang ibalik ang syudad sa Davao ilawom sa General Community Quarantine (GCQ) status.
Matud ni Davao City Mayor Sara Duterte-Carpio nga sa impormasyong gipaabot sa Inter-agency Task Force (IATF), ibalik sa GCQ ang syudad sa Miyerkules, July 15, 2020.
“Dunay tay advance information gikan sa IATF nga ang Davao City will be classified as a General Community Quarantine (GCQ) status on Wednesday, July 15, 2020,” butyag sa alkalde.
Apan matud sa Mayor nga mo-apela kini sa IATF nga ipabilin sa Modified General Community Quarantine (MGCQ) ang dakbayan.
“We will try to appeal because there is a remedy allowed sa mga LGUs nga mag appeal sa ilahang classification. We will try to appeal that based on sa kadtong mga ginapangayo sa IATF nga mga data gikan dinhi sa LGU sa Davao City,” tataw sa alkalde.
Apan kung dili tugutan, ipahinumdom pag-usab sa tanang Dabawenyo ang mga gitugot ug wala gitugot nga mga aktibidad ilawom sa GCQ.
Gibutyag sa opisyal nga paspas ang Coronavirus Disease 2019 (COVID-19) transmission sa milabay nga mga adlaw diin kagahapong adlawa (July 13, 2020) nakatala og 162 COVID-19 active cases ang syudad.
RadyoMaN Kirby Manzon
