Davao City – Kontrolado ang kaso sa Coronavirus Disease 2019 (COVID-19) dinhi sa syudad sa Davao.
Matud ni Davao City Mayor Sara Duterte-Carpio nga ‘manageable’ pa sa pagkakaron ang sitwasyon ug walay rason nga hunongon ang pagdawat og mga locally-stranded individuals (LSIs) ug Overseas Filipino Workers (OFWs) gikan sa kaulohan.
“Sa pagkakaron, I can safely say nga manageable pa siya. So there is no need nga mag stop og dawat og mga tao nga gikan og Metro Manila,” saysay sa alkalde.
Gibutyag sa Mayor nga aduna nay mga nagpositibo sa hatid probinsya ug mga mga OFWs sa Reverse Transcription-Polymerase Chain Reaction (RT-PCR) test pag abot dinhi sa syudad.
Gitataw sa alkalde nga gipangandaman na sa syudad ang pag-abot sa maong mga indibidwal diin ginapailawom karon sa health screening ang mga taong gikan gawas sa dakbayan.
RadyoMaN Kirby Manzon
