Sara: Gift-giving sa Pasko magpadayon

50

Davao City – Magpadayon gihapon ang pagpanghatag sa City Government of Davao og nga pinaskohan sa mga lumad karong bulan sa Disyembre luyo sa Coronavirus Disease 2019 (COVID-19).

Matud ni Davao City Mayor Sara Duterte-Carpio nga gikansela man ang Pasko Fiesta ug uban pang kalingawan sa syudad matag Pasko apan magpabilin ang gift-giving sa nagkalain-laing sektor sa komunidad nga pangunahan sa City Social Welfare and Development Office (CSWDO).


Atong paminawon ang pamahayag ni Davao City Mayor Sara Duterte-Carpio.

“Naa gihapoy gift-giving pero wala nato’ng mga programs, games, activities na can possibly be a source of mass gathering sa mga tao nga dili na masunod ang minimum health protocols (batok COVID-19),” segun sa Mayor.

Matud sa Alkalde nga dili na kinahanglang mulugsong padulong sa dakbayan ang mga lumad labi na nga istrikto na ang pagpasulod sa mga indibidwal tungod sa pandemic ug ang pagkonsidera sa syudad isip restricted Local Government Unit (LGU) ilawom sa Joint Task Force (JTF) COVID Shield.

Gibutyag sa Mayor nga ang CSWDO na ang muhatud sa ilang pinaskohan sa ilang mga pinuy-anan sa kabukiran.




“I-remind lang nato sila (kaigsoonang Lumad) nga ang Davao City LGU is a restricted LGU under sa JTF Shield. I-check lang nila kung APOR or non-APOR sila and i-comply lang nila ang mga requirements nga naa didto,” segun ni Mayor Sara.

RadyoMaN Kirby Manzon

Facebook Comments