Davao City – Dako na nga panalangin gikan sa Kahitas-an ang pagbaton og maayong panglawas taliwala sa gi-atubang nga Coronavirus Disease 2019 (COVID-19) pandemic.
Matud ni Davao City Mayor Sara Duterte-Carpio nga angay nga pasalamatan ang Ginoo labi na sa selebrasyon sa Pasko (duha ka adlaw gikan karon) nga luwas ang mga miyembro sa pamilya sa balatian labi na gyud sa COVID-19.
“Everyday na gitagaan ‘ta sa Ginoo og good health is something to be thankful pirmi. We should always give a thanksgiving prayer na we are blessed with good health. So, dili nato na kalimtan,” segun ni Mayor Sara.
Una na nga gipahimangno ni Mayor Sara nga likayan ang mass gathering sa Pasko tungod sa posibleng pagkasa kun surge sa COVID-19 cases human sa holiday season nga maoy warning gikan sa health experts ug sa World Health Organization (WHO).
RadyoMaN Kirby Manzon
