Davao City- Hugot nga gitinguha karon sa administrasyon ni Mayor Sara Duterte-Carpio nga bisan pa man kun natanggong na ang peacetalks sa national level tali sa estado ug sa CPP-NPA-NDFP, dinhi sa syudad tun-an gihapon ang posibilidad kun feasibility niini.
Sa gipahigayong news conference human ang State of the City Address, gibatbat sa alkalde nga ang pag-delatar sa peace process sa nasyunal wala nagpasabot nga gidid-an na ang mga Local Government Units nga molusad sa ilang kaugalingong mga inisyatibang pangkalinaw kuyog sa mga rebeldeng Maoists.
Subay niini, gimugna sa syudad ang usa ka espesyal nga grupo tawagon nga Davao City Local Peace Committee aron ihikutar ang prosesong pangkalinaw uban sa mga rebeldeng NPA nga nag-operate dinhing dapita.
Matud ni Sara, aksyon kini nga buot i-explore karon sa iyang pamunuan sulod sa usaka tuig aron sulayan pagdistrungka sa makausa pa ang dilemma mugna sa nagpadayong communist insurgency nga nikalas na sa daghang kinabuhi ug nidamyos og mga propriedad.
