Davao City – Angayan lamang nga ipatuman sa syudad sa Davao ang mandatory nga pagsul-ob og face mask pinaagi sa usa ka ordinansa.
Matud ni Davao City Mayor Sara Duterte-Carpio, bisan sa pag-awhag sa publiko nga mag face mask aron malikayan ang Coronavirus Disease 2019 (COVID-19), aduna gihapoy mga dili nagasunod niini rason nga gihimo kining ‘mandatory’ ug magbaton na kini og silot.
“Sa pagkakaron, duna na ‘tay makit-an nga nag comply or dili. Usahay musuot, usahay dili. So, there is a need already nga maghatag na og penalty sa mga taong dili magsuot og face mask,” tataw sa alkalde.
Gipasabot sa mayor nga subay sa pagtuon, mas ubos ang matalang kaso sa COVID-19 sa mga nasod nga nag demand gyud sa publiko sa pagsuot kanunay sa face mask kung itandi niadtong ‘optional’ lang ang pagsuot niini.
Sa napasar nga ordinansa sa 19th City Council, magbaton og P500 nga multa alang sa first offense, P2,000 sa second offense, samtang sa 3rd offense P5,000 and/or 1 month imprisonment.
RadyoMaN Kirby Manzon
