Davao City – Mapasalamaton si Davao City Mayor Inday Sara Duterte-Carpio sa pagpromotar kaniya isip koronel sa Reserve Force sa Armed Forces of the Philippines (AFP).
“I’m very thankful nga nagawas na akong order for promotion from lieutenant colonel to colonel sa Army Reserve sa Armed Forces of the Philippines,” segun sa mayor.
Sa pakighinabi sa mayor, pamaagi kini niya alang sa pagtabang sa armadong kusog gani parte sa iyang trabaho mao ang pagmobilisar og volunteers dinhi sa syudad sa Davao .
Dugang sa mayor nga trabaho usab niya ang maghatag og tabang sa AFP panahon sa katalagman ug sa mga sitwasyon nga gikinahanglan og asistensiya.
Kauban usab sa mayor nga napromotar kagahapong adlawa, Pebrero 28, isip koronel sa AFP Reserve Force sila si Colonel Isidro Ungab ug Colonel Edgar Crisanto Voilan.
RadyoMaN Jason Amisola
