Davao City – Padayong nanawagan sa publiko si Davao City Mayor Inday Sara Duterte Carpio nga likayan una ang pag-adto sa mga lugar nga posibleng kontaminado sa coronavirus disease (COVID-19) sama sa mga palengke, hospital, supermarkets ug punerarya human nagpositibo sa maong balatian ang usa ka tindera sa Bankerohan Public Market, Davao City.
“Sa food delivery wala, palengke vendor yes naa sa Bangkerohan Public Market,” segun niini.
Gibutyag sa Mayor, dunay gipahigayong intensified case finding ug nalakip niini ang Bangkerohan.
“Sa Buhangin, diri sa Bangkerohan and isa sa Isla Verde. Nag-intensified case finding ta dinha sa kana na mga areas last week, DOH ang nagpahigayon sa swabbing,” saysay niini.
Gipasabot ni Duterte Carpio nga ang maong mga lugar usa sa potential source sa inpeksyon sa makamatay’ng sakit karong panahona ug kinahanglang likayan kini.
RadyoMaN Aimee Guinita
