Davao City – Nanghinaut karon si Davao City Mayor Sara Duterte-Carpio nga mabutang ang syudad sa Davao sa Modified General Community Quarantine (MGCQ) sa sunod bulan, Abril 2021 gikan sa kasamtangang GCQ status.
Matud sa Alkalde, gamay lang usab ang kalahian ang MGCQ sa GCQ gani kagahapong adlawa (Marso 15, 2021), nagpagawas ang City Government of Davao og Executive Order (EO) No. 12 labot sa protocols nga maoy ipatuman bisan og ipailawom man sa MGCQ ang dakbayan.
“Are we ready (sa MGCQ)? We are hopeful nga pag abot sa April, ibutang na ‘ta sa MGCQ sa IATF. But it will still be the same, kadtong Executive Order (EO) No. 12 mao gihapon ‘to atong i-implement during MGCQ,” segun sa Mayor.
Pipila sa mga gitugot na sa bag-ong EO epektibo kagahapong adlawa mao ang temporaryong pagsuspende sa paggamit sa Food and Medicine (FM) pass.
“SECTION 17. FOOD AND MEDICINE PASS / OTHER DOCUMENTS. The use of the FM pass and other documents for travel/movement shall be temporarily suspended and the DQR shall be the only document that will be used to access goods and essential services.”
Abli na usab ang mga pampublikong palengke sa dakbayan gikan Lunes hangtud Domingo gikan alas-3 sa kaadlawon hangtud alas-6 sa gabii.
“SECTION 16. CITY GOVERNMENT WET MARKETS. Public wet markets shall be open from Monday to Sunday from 3AM to 6PM.”
Apan giklaro ni Mayor Sara nga mapa-GCQ o MGCQ, anaa gihapon ang ginatawag nga ‘stay at home’ order diin mamahimo lamang mogawas alang sa mga importanteng lakaw sama sa trabaho, negosyo, ug uban pang essential movements.
RadyoMaN Kirby Manzon
