Davao City – Nasurpresa si Davao City Mayor Inday Sara Duterte Carpio sa alegasyong pagpamunal sa duha ka Davao police sa mga menor de edad niadtong Enero 21 ning tuiga sulod sa barangay hall sa Brgy 19-B Davao City hinungdan nga gimandoan niya ang Davao City Police Office kun DCPO nga inbestigahan ang maong insidente.
Base sa report, tungod sa lampas na sa curfew, gikuha sa mga barangay tanod ang mga menor sa kalsada niadtong panahona.
Sumala pa, nahilab-an sa alkalde ang maong insidente gikan sa iyang kaubang abogado karon lang semanaha ug gilauman niya nga maatiman sa DCPO ang mga reklamo bahin niini.
Dugang ni Mayor nga kampante siya nga nahibalo ang Davao City Policemen sa ilang obligasyon og katungod na sa tawo ang higsutan.
Gipahinumduman ang kapulisan nga samtang ang mga menor nga makabuhat og krimen ikustodiya, dili dapat gamitan og pwersa gawas nalang kung nabutang na sa peligro ang kinabuhi sa otoridad.
Sa karon, gilihok na sa DCPO ang imbestigasyon sa maong insidente subay usab sa mando ni Mayor Inday Sara.
RadyoMaN Renz Barbarona
