Sara nagpahimangno vs kalamidad

19

Davao City – Subling nanawagan ang Local Government Unit (LGU)-Davao sa publiko nga kanunayng mag monitor sa anunsyo sa otoridad panahon sa unsa mang kalamidad sama sa nasinatiang kusog nga linog Huwebes sa gabii, Oktober 16, 2019.

Sa interbyu sa DXDC RMN Davao kang Davao City Mayor Sara Duterte-Carpio, nagpahimanngo kini sa mga Dabawenyos nga kanunayng magmonitor sa mga anunsyo gikan sa mga official social media sites sa gobyerno.


“Dapat ang mga tao magbantay, magmonitor sa mga announcement nato sa mga official sites sa atoang City Government of Davao. Sa social media naa tay presence sa Facebook and then ang atoang DRRMO office naa silay landline number and regularly naga coordinate sa media para sila sa ilang mga announcements,” saysay ni Sara.

Dugang sa alkalde nga dili magpadala sa mga sayup nga impormasyon kun ‘fake news’ inay maminaw sa direktiba sa Barangay or City Disaster Risk Reduction and Management Office (CDRRMO) alang sa angayng himuon sama sa pag evacuate kung gikinahanglan.

“Magbantay sila sa mga announcements for preemptive evacuation kung gi-order na sa atoang Barangay DRRMO or sa atoang City DRRMO,” dugang sa mayor.

RadyoMaN Kirby Manzon

Facebook Comments

From Advertisers