Davao City – Nagpahimango ang City Government of Davao sa publiko nga mahimong alerto panahon sa rainy season kun ting-ulan.
Matud ni Davao City Mayor Sara Duterte-Carpio sa interbyu sa city-owned radio nga panahon sa ting-ulan, adunay posibilidad nga maapektuhan ang mga lugar nga sagad gina-landslide ug ginabaha rason nga angay mahimong alerto panahon sa kusog nga pag-ulan.
“Mag ingat ta everytime na mukusog ang ulan, there is a possibility especially kung naa ta didto sa mga landslide prone areas or low-lying areas, ‘dunay ground movements or ‘dunay pagbaha,” matud sa alkalde.
Dugang sa alkalde, posibleng musi-aw usab sa rainy season ang mga sakit sama sa leptospirosis tungod sa baha ug dengue dala sa mga lamok.
Esplikar sa mayor nga aron malikayan nga magbaton og mga kaso sa maong mga balatian, mas maayong mag-amping labi na nga padayon karong gi-atubang sa syudad ang mga kaso sa Coronavirus Disease 2019 (COVID-19).
RadyoMaN Kirby Manzon
