Davao City – Di gyud malikayan nga madala sa trabaho ang pagpanikas sa mga Police Officers 1 nga nalambigit sa leakage examination sa National Police Commission (NAPOLCOM) nga gihimo sa usa ka skwelahan dinhi sa syudad sa Davao.
Kini ang reaksyon ni Davao City Mayor Inday Sara Duterte atol sa pakighinabi sa DXDC RMN Davao kaniya.
“NAPOLCOM should create a body to investigate a leakage because kung ing-ani, sa sugod pa lang there’s cheating, you can expect na kaning mga examinees who participated in cheating madala na nila sa ilang trabaho so there should be an investigation,” segun ni Mayor Sara.
Una ng giingon nga imbestigahan matud pa sa NAPOLCOM-XI ang nahitabong leakage atol sa examinasyon sa mga police examinees dinhi sa dakbayan aron magpasaka sa ilang mga rango.
Sumala sa NAPOLCOM staff kun proctor nga si Norjie Castillon nga dunay usa ka police ang nagdala og cellphone apan sa dihang girekisa na ang ubang examinees, halos tanan nila dunay cellphone diin didto matud pa makita ang answer keys ug lahi-lahi nga kantidad nga ilang bayaran ugaling sila mupasar.
Dugang pa nga nasayran usab nga ang 38 ka mga nagkuha sa maong exam dili taga Davao region kundi pulos gikan sa Jolo, Sulu.
RadyoMaN Renz Barbarona
