Davao City – Gitakdang ipatuman sa mga palengke sa syudad sa Davao ang ‘One Entry, One Exit’ Policy isip usa sa mga measures aron malikayan ang Coronavirus Disease 2019 (COVID-19).
Sa interbyu kang Davao City Mayor Sara Duterte-Carpio sa Davao City Disaster Radio, gibutyag niini nga usa sa mga measure kining girekomenda nga mas maayong buhaton labi na sa palengke aron malikayan ang pagkatag pa sa maong balatian.
Matud sa Mayor, nagpasabot kini nga usa ra ka-agian ang pagpamalit ug dili na mamahimong mubalik pa sa gi-agian.
“Sa palengke, niingon sila and then gi-adopt nato sa executive order. Dunay entrance ug exit and palengke and you can only go one way sa palengke. Dili ka pwede mubalik, dili ka pwede mutuyok. Dili nimo pwede atubangon ‘tong naa sa imong likod,” saysay ni Mayor Sara.
Tambag sa alkalde nga ilista daan ang mga pamaliton aron sayon na lamang ang himuon ug malikayan ang pagtuyok-tuyok sulod sa palengke.
RadyoMaN Kirby Manzon
