Sara: Online sabong suportado

32

Davao City – Mipadayag og suporta si Davao City Mayor Sara Duterte-Carpio sa pagtugot sa online sabong kun electronic sabong (e-sabong) sa syudad sa Davao.

Gibutyag sa Mayor nga adunay misugyot kaniya labot niini rason nga gilayon niya kining gi-endorso sa konseho sa syudad labi na nga aduna gihapoy mag ma-report ug madakpan nga nagasabong luyo sa wala pagtugot niini sa dakbayan.


Pagpasabot sa Alkade nga sa online sabong, gawas nga makapahigayon og sabong ang mga tao sa luwas nga pamaagi, madungagan usab ang revenue ang syudad gikan sa maong aktibidad.

“Basin duna ‘tay makita nga possibility of revenue diri sa electronic sabong. Ma-cater gihapon ang ilahang need nga mag sabong pero safely in the confines of their cellphone/laptop, dinha lang sila aron masunod gihapon ang COVID-19 protocols. Daghan ta’g masulbad kung mahitsas ‘ni nato nga ordinance,” matud sa Alkalde.

Gibutyag sa Alkalde nga sa sabong ang sagad makalapas sa social distancing nga usa sa protocols aron kalikayan ang Coronavirus Disease 2019 (COVID-19), hinungdan nga mas maayong mahatagan og pamaagi nga kini matugotan online.

RadyoMaN Kirby Manzon



Facebook Comments